Arctic Voyager komin á Fuglafjørð við svartkjafti

Uppsjóvarskipið Arctic Voyager, kom á Fuglafjørð í kvøld við 1300 tonsum.

Arctic Voyager hevur verið á svartkjaftaveiðu í føroyskum sjógvi, og fiskiskapurin hevur verið hampiligur.

Upplýst verður, at teir komu á Fuglafjørð fyri løtu síðan, og byrjaðu at landa beinanvegin til Havsbrún.

Tá ið liðugt er at landa, fara teir aftur á svartkjaftaveiðu.