Avloysaraskipið kom á Ánirnar seinnapartin í dag

Talan er um íslendska uppsjóvarskipið Margreth, sum Samherji í Íslandi, hevur átt.

Skipið er keypt til Klaksvíkar, har felagið aftanfyri Christian í Grótinum, heevur keypt skipið, at fiska kvoturnar inntil felagið fær ein nýbygning handaðan um eitt ár.

Margreth skal nú endaliga yvirtakast, og so fær skipið navnið Christian, og heimstað í Klaksvík.

Christian skal nú riggast til, og tá ið alt væntandi verður klárt um einar 14 dagar, fer skipið á svartkjaftaveiðu.

Christian er bygdur í 1996, og hóast sín aldur, er skipið í góðum standi, siga nýggju eigararnir.

Margreth skal nú skifta navn til Christian og fáa heimstað í Klaksvík - Mynd: Kiran Jóanesarson