Donsk uppsjóvarskip landa makrel í Føroyum

Donsku uppsjóvarskipini Isafold og Themis komu inn í dag við makreli, sum skal landast í Føroyum.

Danska uppsjóvarskipið Isafold kom á Fuglafjørð við 1.500 tonsum av makreli, sum skal landast til Pelagos. 

Eisini er danska uppsjóvarskipið Themis á Tvøroyri við 1.000 tonsum av makreli, sum skal landast til Varðan Pelagic.

Bæði skipini hava fiskað makrel í hetlendskum sjógvi, og fiskiskapurin hevur verið góður.