Enniberg komin heim úr Barentshavinum

Enniberg setti ólavsøkudag kós móti Føroyum, har flakatrolarin skal landa veiðuna.

Enniberg hevur verið til fiskiskap í Barentshavinum, og fiskiskapurin hevur verið hampiligur. Enniberg hevur roynt bæði í norskum og russiskum sjógvi.

Enniberg fór úr Føroyum fyrruhelvt av mai mánaða, og landar veiðuna í Havn. Enniberg kom á Havnina líka yvir middnátt í nátt.

Við hendan túrin vóru 36 mans, og skipari var Karl Danielsen.