Enniberg sett kós móti Barentshavinum

Í gjárkvøldið loysti flakatrolarin Enniberg av Havnini, og setti kós móti Barentshavinum, har teir skulu fiska í russiskum sjógvi.

Enniberg bleiv liðugur við sína kvotu í heyst, og fór síðani í dokk á Skála, har ymiskt bleiv gjørt í sambandi við, at skipið er blivið 28 ár. Eitt nú klassingar og vanligt viðlíkahald.

Enniberg skal hjálpa Gadus, at fiska restina av kvotuni hjá JFK, sum Sjúrðarberg áður hevur fiskað. Sjúrðarberg bleiv seldur til Russlands í summar.

Gadus hevur júst landað 540 tons í Klaksvík, og loysti fyrr í vikuni og setti kós móti russiskum sjógvi.