Fagraberg hevur landað 1.550 tons í Noregi

Uppsjóvarskipið er júst komið aftur á fiskileið eftir at skipið hevur landað makrel í Noregi.

Fagraberg hevur fiskað í føroyskum sjógvi, og fiskiskapurin heuvr verið góður.

Veiðan varð landað í norska býnum Måloy, og skipið er nú komið aftur á fiskileið í føroyskum sjógvi.

Øll tey føroysku makrelskipini eru stødd norðanfyri í føroyskum sjógvi í løtuni. Seinastu tíðina hava tey eisini roynt í altjóða sjógvi.