Finnur Fríði hevur fiskað svartkjaftakvotuna

Uppsjóvarskipið Finnur Fríði skal landa 1.550 tons av svartkjafti til Havsbrún, sum er fiskaður í føroyskum sjógvi.

Finnur Fríði hevur samstundis fiskað svartkjaftakvotuna, sum var umleið 30.000 tons.

Skipið fer nú at leggja um til aðra fiskiveiðu.

Gøtunes, sum hoyrir til sama samtak, sum Finnur Fríði, hevur eisini fiskað sína svartkjaftakvotu. Gøtunes liggur í løtuni á Runavík, og fara teir helst eisini at rigga til aðra fiskiveiðu.