Finnur Fríði hevur landað makrel á Tvøroyri

Uppsjóvarskipið Finnur Fríði hevur landað 500 tons av makreli til Varðan Pelagic.

Finnur Fríði hevur fiskað norðanfyri í føroyskum sjógvi, og fiskiskapurin hevur verið góður.

Veiðan varð landað til Varðan Pelagic, og fyri løtu síðan loysti Finnur Fríði av Tvøroyri, og fór aftur á makrelfeltið.

Skipini hava í løtuni góðan fiskiskap, og talan er um góðan makrel, sum skipini fáa.