Finnur Fríði kom á Tvøroyri í morgun við makreli

Uppsjóvarskipið Finnur Fríði kom í morgun á Tvøroyri við 675 tonsum av makreli, sum skal landast til Varðan Pelagic.

Finnur Fríði hevur verið á makrelveiðu norðanfyri í føroyskum sjógvi, og fiskiskapurin hevur verið góður.

Makrelskipini hava í løtuni góðan fiskiskap. Tróndur í Gøtu og Gøtunes hava júst landað umleið 700 tons tilsamans til Varðan Pelagic.