Finnur Fríði og Gøtunes skulu landa makrel í Fuglafirði

Finnur Fríði er byrjaður at landa 1.600 tons, og Gøtunes hevur 1.550 tons av makreli, sum skipið skal landa aftaná Finn Fríða.

Skipini byrjaðu fiskiskapin norðanfyri í altjóða sjógvi, men endaðu bæði í føroyskum sjógvi, har føroysku makrelskipini nú fiskað.

Gøtunes sleppur framat at landa í morgin.

Hjá Havsbrún verður makrelurin framleiddur til fóður.