Freistin at søkja menningarkvotu er í dag kl. 15

Freistin at søkja um menningarkvotur er í dag kl. 15:00. Tøka nøgdin av menningarkvotu at søkja um í 2019 er:

• 11.711 tons av svartkjafti
• 3.159 tons av makreli
• 4.695 tons av norðhavssild

Umsókn um menningarkvotu skal sendast til Fiskimálaráðið.

Menningarkvota kann latast fyri 1 ár, 2 ár, 3 ár ella 4 ár. Av samlaðu nøgdini fyri hvørt fiskaslag skal í minsta lagi ¼ av tonsunum latast fyri 1 ár, skrivar Fiskimálaráðið.

Menningarkvotur kunnu eftir umsókn játtast til persónar og feløg, ið lúka treytirnar um ognarviðurskifti og at vera heimahoyrandi í Føroyum, sambært lógini um fyrisiting av sjófeingi. Sí § 5, stk. 1 og §§ 6, 7 og 9 í løgtingslóg um fyrisiting av sjófeingi frá 18. desember 2017.