Gøtunes landar svartkjaft í Fuglafirði

Uppsjóvarskipið gøtunes kom í dag á Fuglafjørð, har skipið skal landa.

Gøtunes hevur verið á svartkjaftaveiðu, og landar 3.100 tons til Havsbrún.

Gøtunes hevur verið á svartkjaftaveiðu í íslendskum sjógvi, og hjá Havsbrún verður svartkjafturin framleiddur til mjøl og lýsi, og síðani til fóður.

Tá ið Gøtunes hevur landað, verður farið á makrelveiðu í bretskum sjógvi.