GroAqua byggir heimsins størsta fóðurflaka til Bakkafrost

GroAqua og Bakkafrost hava skrivað undir sáttmála um at byggja heimsins størsta fóðurflaka. Hetta tá ið tað kemur til stødd av fóðurgoymslu og tal av fóðurlinjum.

Tað boðar GroAqua frá í skrivi fyrrapartin. Felagið hevur yvir 100 fólk í samtakinum - í fýra ymiskum londum.

Framkomni fóðurflakin tekur 1.100 tons av fóðuri og hevur 24 fóðurlinjur. Við hesum er møguligt at fóðra 24 aliringum samstundis. Neyðugt er hedur ikki við starvsfólki fast.

- Fóðurflakin verður útgjørdur við n‎‎‎ýggjastu tøknini hjá GroAqua á Kambsdali, sum ger, at fóðurflakin verður ómannaður. 

(Myndir: GroAqua)

GroAqua boðar frá, at hetta er størsti sáttmáli, sum GroAqua nakrantíð hevur gjørt, tí fóðurflakin er annar av tveimum fóðurflakum, sum GroAqua skal byggja fyri Bakkafrost á hesum sinni.  

- Vit hjá GroAqua eru errin av at hava gjørt eina søguliga avtalu við Bakkafrost um at byggja tveir stórar fóðurflakar. Verkætlanin vekir ans uttanlands, tí talan er um slóðbrótandi fóðurflakar í mun til støddina og tøknina umborð, sigur Ólavur Thomsen, sum vegna GroAqua arbeiðir við hesi verkætlan.

Tað er GroAqua í Pólandi, dóttirfelag hjá GroAqua í Føroyum, sum stendur fyri byggingini av fóðurflakunum saman við starvsfólkum í Føroyum. Flakarnir skulu verða lidnir næsta summar.

Oddvald Olsen og Jón Purkhús, sum eru alileiðarar hjá Bakkafrost, og Ólavur Thomsen og Daniel Obradovic frá GroAqua í Føroyum (Mynd: GroAqua)