Høgaberg landar svartkjaft í Fuglafirði

Upsjóvarskipið Høgaberg byrjaði í gjár at landa svartkjafft í Fuglafirði.

Teir hava verið á svartkjaftaveiðu í altjóða sjógvi, og fiskiskapurin hevur verið góður.

Upplýst verður, at teir hava 1900 tons av svartkjafti, sum teir landa til Havsbrún, har svartkjafturin verður framleiddur til fiskaolju og lýsi, og síðan víðari virkaður til fóður.

Tá ið Høgaberg kom á Fuglafjørð, landaði Fagraberg, 2600 tons av svartkjafti til Havsbrún. Høgaberg slapp framat at landa í nátt.