Isafold landar í Fuglafirði

Danska uppsjóvarskipið Isafold kom í gjár á Fuglafjørð, har teir skulu landa.

Teir hava verið á sildaveiðu norðanfyri, og fiskiskapurin hevur verið góður.

Upplýst verður, at teir hava 1200 tons av sild, sum teir landa til Pelagos í Fuglafirði.

Danska uppsjóvarskipið Asbjørn hevur sett kós móti Føroyum, og fara teir allarhelst á Tvøroyri at landa, eins og seinast.