Jaspis og Ametyst farnir til fiskiskap

Partrolararnir Japis og Ametyst fóru beint fyri midnátt aftur til fiskiskap, eftir at hava ligið á havnini seinastu vikurnar. Parið er selt til Klaksvíkar.

Tað er eitt felag hjá Hanus Hansen í Klaksvík, sum hevur keypt parið fyri 40 milliónir krónur.

Japis og Ametyst eru seldir við kvotum, men hóast parið skiftir heimstað so skifta skipini ikki nøvn.

 Við Jaspis og ametyst eru nú fýra pør, umframt fleiri línuskip, knýtt at virkseminum hjá Hanusi Hansen, sum landar veiðuna til Kósina í Klaksvík.