Nógv sild landað á Tvøroyri seinastu dagarnar

Á uppsjóvarvirkinum Varðin Pelagic á Tvøroyri hava tey havt nógv at gjørt seinastu dagarnar.

Fyrstur inn at landa var Finnur Fríði, sum hevði umleið 1500 tons av sild, sum teir høvdu fiskað undir Íslandi.

Savnsmynd: Finnur Fríði - Kiran Jóanesarson

Teir komu á Tvøroyri fríggjanáttina, og tá ið teir høvdu landað, slapp Tummas T framat.

Tummas T hevði eina sildalast á 1200 tons sum teir somuleiðis høvdu fiskað undir Íslandi.

Tummas T verður liðugur at landa í dag, og síðan sleppur Tróndur í Gøtu framat at landa 1300 tons av sild, sum teir eisini hava fiskað undir Íslandi.

Øll skipini fara aftur á sildaveiðu tá ið liðugt er at landa. 

Savnsmynd: Tummas T - Kiran Jóanesarson