Nogvar landingar til Havsbrún

Hjá Havsbrún í Fuglafirði hava tey úr at gera við at taka í móti svartkjafti frá føroysku uppsjóvarskipunum.

Christian í Grótinum, Gøtunes og Katrin Jóhanna eru øll komin inn at landa til virkið í Fuglafirði.

Christian í Grótinum hevur 900 tons, Gøtunes hevur 1.500 tons og Katrin Jóhanna hevur 1.100 tons av svartkjafti.

Skipini hava øll fiska í føroyskum sjógvi, og fara aftur til fiskiskap tá ið liðugt er at landa. Tó verður helst farið á makrelveiðu í bretskum sjógvi, har flestu uppsjóvarskipini eru í løtuni.

Hjá Havsbrún í Fuglafirði verður svartkjafturin framleiddur til mjøl og lysi, og síðani til fóður.