Norðingur landar sild í Kollafirði

Uppsjóvarskipið Norðingur kom í gjár á Kollafjørð, har teir skulu landa.

Teir hava verið á sildaveiðu í føroyskum sjógvi, og hava 750 tons av sild, sum teir landa til uppsjóvarvirkið Faroe Pelagic.

Tá ið liðugt er at landa, verður farið aftur á sildaveiðu.

Á Tvøroyri landar Tróndur í Gøtu, sum kom inn í gjár við umleið 1200 tonsum av sild, sum teir eisini hava fiskað undir Føroyum. 

Teir landa veiðuna til Varðan Pelagic, og tá ið liðugt er at landa, verður farið aftur til fiskiskap.

Tróndur í Gøtu (Savnsmynd: Kiran Jóanesarson)

Íslendska skipið Huginn hevur landað 1100 tons av sild, sum teir hava fiskað undir Íslandi.

Teir komu inn fyrr í vikuni, og landaðu veiðuna til Pelagos. Huginn fór aftur til fiskiskap í gjár. 

Íslendska skipið Huginn (Savnsmynd: Kiran Jóanesarson)