Norðingur landað svartkjaft til Havsbrún

Uppsjóvarskipið Norðingur kom í gjárkvøldið til lands við umleið 1.200 tonsum av svartkjafti.

Norðingur hevur verið á svartkjaftaveiðu í føroyskum sjógvi, og fiskiskapurin hevur verið góður.

Tá ið Norðingur kom undir land, landaði Katrin Jóhanna svartkjaft til Havsbrún, og tí fór Norðingur á Skálafjørðin at bíða.

Norðingur byrjaði at landa til Havsbrún í morgun klokkan seks.

Nøkur fá skip eru í løtuni á svartkjaftaveiðu í føroyskum sjógvi, meðan restin antin hevur fiskað kvoturnar ella eru framvegis á sildaveiðu.