Polar Amaroq landar makrel í Føroyum

Grønlendski verksmiðjutrolarin Polar Amaroq er komin inn, og skal landa í Fuglafirði og í Kollafirði.

Í Fuglafirði skulu teir landa 500 tons av slógvi til Havsbrún, og í Kollafirði skulu teir landa 560 tons av frystum makreli.

Polar Amaroq hevur verið á makrelveiðu í altjóða sjógvi norðan fyri Føroyar, og fer aftur til fiskiskap tá ið liðugt er at landa.