Polarhav og Stjørnan landaðu í gjár

Partrolararnir Polarhav og Stjørnan landaðu í Klaksvík í gjár.

Parið landaði umleið 170 tons av gulllaksi til Kósina í gjár, sum síðan var koyrdur í bilum til Leirvíkar, har hann skuldi virkast hjá Tavuni.

Polarhav og Stjørnan hava hendan túrin roynt í eina viku, og fiskiskapurin hevur verið góður.

Tá ið parið hevði landað, fór tað nýggjan túr eftir gulllaksi.