Samlaða tøkan av alilaksi var 80,5 tús. tons í fjør

Vinnuhúsið: Samlaða tøkan av alilaksi í Føroyum var í fjør 80,5 tús. tons í kruvdari vekt. Hetta svarar til uml. 98 tús. tons í rundari vekt.

Miðalvektin í 2023 var 4,82 kg., sum er á leið tað sama sum miðalvektin í 2022 sum var 4,81. Sostatt var samlaða talið av tiknum laksum knappar 2 milliónir lægri í 2023 enn í 2022.

Havbúnaðarfelagið skrásetur vikuligu tøkutølini frá føroysku laksaalifeløgunum og almannakunnger tey á heimasíðuni hjá Vinnuhúsinum.