Skipini bíða eftir betri veðri

Ringa veðrið ger at flestu uppsjóvarskipini hava valt at bíða við at loysa.

Í Runavík liggja skipini Finnur Fríði, Gøtunes, Tummas T, Ango og grønlendska skipið Tasiilaq.

Finnur Fríði hevur júst landað sild til Varðan Pelagic, og kom á Runavík mánakvøldið.

Við Ánirnar liggja Christian í Grótinum, Norðingur, Norðborg og danska uppsjóvarskipið Asbjørn.

Í Kollafirði liggja skipini Jupiter, Gamli Jupiter, Eysturbúgvin og Vesturbúgvin.

Í Havn liggja skipini Katrin Jóhanna og Birita.

Hósast flestu uppsjóvarskipini bíða, so eru tað nøkur, sum eru til fiskiskap í løtuni.

Fagraberg og Tróndur í Gøtu eru á sildaveiðu í íslendskum sjógvi og Arctic Voyager er á svartkjaftaveiðu í føroyskum sjógvi, har eisini nøkur íslendsk skip og eitt grønlendskt skip fiska í løtuni.

Sildakvoturnar hjá skipunum byrja at verða fiskaðar og tá ið kvoturnar eru fiskaðar fara skipini á svartkjaftaveiðu í føroyskum sjógvi.