Innanlands

Sóknast eftir skipi til rannsóknir av makrelstovninum

Havstovan skal hava nótaskip til vísindaligar rannsóknir í summar

(Savnsmynd: Sverri Egholm)

(Savnsmynd: Sverri Egholm)

2020-05-25 21:47 Author image
Sverri Egholm
placeholder

Havstovan søkir nú eftir nótaskipi at gera vísindaligar rannsóknir av makrelstovninum í summar.

Rannsóknirnar verða fíggjaðar við granskingarkvotu. Upp til 1.900 tons av makreli eru sett av at fíggja rannsóknirnar. Kvotan kann fiskast í føroyskum ella altjóða sjógvi, og verður latin sum egin árskvota.

Rannsóknirnar verða í tíðarskeiðinum 29. juni til 24. juli 2020. Fyrstu dagarnir verða brúktir til fyrireikingar; væntandi verður siglt 1. juli. Kanningin verður gjørd sum partur av eini felags kanning, har Føroyar, Ísland og Noreg luttaka.

Skipið skal bera útreiðslurnar, sum Havstovan hevur í sambandi við makrelkanningarnar í summar. Útreiðslurnar verða mettar at verða umleið 600.000 krónur, og fevna um ymsa útgerð í sambandi við kanningarnar, umframt útreiðslur hjá Havstovuni í sambandi við siglingina og til viðgerð av data og sýni, sum eru tikin umborð. Endaligu útreiðslurnar verða gjørdar upp eftir túrin.

Undanfarin ár eru skip sum Tróndur í Gøtu og Finnur Fríði brúkt til hesar kanningar.

 

placeholder
placeholder