Útróðrarbáturin helst sokkin

Útróðrarbáturin sum fór at leka vestur úr Sandoynni mikudagin, er ikki sæddur aftur, og er helst sokkin. Tað sigur vakthavandi á MRCC við útvarpið í morgun.

Tað var nakað eftir middagsleitið at báðir menninir umborð boðaðu frá, at báturin var farin at leka, og at teir vóru farnir í bjargingardraktirnar. Løtu seinni vóru teir fingnir upp í bjargingartyrluna og á Landssjúkrahúsið.

(Mynd: Jn.fo)

Bátar komu á staðið, men líkindini vóru vánalig hendan dagin, og tað bar ikki til at fáa pumpu umborð á bátin. Avgerð varð tikin um at rýma frá koppaða bátinum, og hann hevur altso ikki verið at sæð síðan.