Innanlands

Akraberg fær eyðkenda litin hjá Framherja

Skipið er málað, og er ikki reytt longur

Akraberg fær eyðkenda litin hjá Framherja

Mynd: Jákup Pauli Marsten

2018-10-09 20:17 Author image
Kiran Jóanesarson

Verksmiðjutrolarin Akraberg hevur seinastu vikurnar ligið í Spania, har ymsikt arbeiðið verður gjørt við skipið.

Skipið verður eitt nú sandblást, málað innan og uttan, og verðar ymsar tillagingar eisini gjørdar við skipið.

Mynd: Jákup Pauli Marsten

Akraberg fær nú eisini eyðkenda Framherja litin, sum reiðaríið Framherji í Fuglafirði nýtir til tey stóru skipini.

Akraberg kom í føroyska fiskiflotan summarið í 2013.

Arbeiðið uppá Akraberg er um at verða liðugt, og skipið fer ein av komandi døgunum at seta kós móti Føroyum.

Hesar litirnar hevði Akraberg, tá ið skipið kom í flotan í juli 2013 (Savnsmynd: Kiran Jóanesarson)