Akraberg farin royndartúr

Akraberg loysti í gjárkvøldið og fór royndartúr, har verksmiðjan og útgerð skal royndarkoyrast.

Tað var í síðstu viku, at Framherji í Fuglafirði kundi yvirtaka og doypa sín fyrsta nýbygning, síðan felagið varð sett á stovn í 1994.

Talan er um ein sera stóran og framkomnan verksmiðjutrolara, sum er bygdur á Vard skipasmiðjuni í Brattvåg.

Í gjárkvøldið fór skipið úr Brattvåg, og skipið skal nú royna verksmiðjuna og útgerðina áðrenn skipð fer í vinnu.

Umborð eru umboð fyri teir ymsu veitararnar og reiðarínum.

Nýggi Akraberg kostaði 375 milliónir krónur nú skipið er handa reiðarínum. 

Akraberg fer beint til fiskiskap tá ið skipið er royndarkoyrt og riggað til.

Sí eisini: Myndir: Akraberg doyptur í Brattvåg

Sí eisini: Myndir: Her er nýggi Akraberg

Sí eisini: Video: Droymt um hetta leingi