Akraberg landar í Norra

Verksmiðjutrolarin Akraberg kom til Norra í gjár, har teir skulu landa.

Akraberg hevur verið á rækjuveiðu í Barentshavinum, og fiskiskapurin hevur verið hampiligur.

Upplýst verður at teir hava 628 tons av rækjum, sum verða blokkfrystar umborð.

Akraberg hevur verið til fiskiskap í ein góðan mánaða.

Akraberg fer aftur á rækjuveiðu í Barentshavinum í morgin, og skipari verður aftur Erland Olsen.