Innanlands

Anfinn Olsen leggur frá sær í Reiðarafelagnum

Hanus Hansen verður nú virkandi formaður

Anfinn Olsen (Mynd: Jens Kr. Vang)

Anfinn Olsen (Mynd: Jens Kr. Vang)

2019-01-09 18:32 Author image
Tíðindaskriv

Føroya Reiðarafelag boðar í dag frá, at Anfinn Olsen leggur frá sær sum formaður og nevndarlimur í Reiðarafelagnum. Anfinn Olsen hevur verið formaður í Reiðarafelagnum síðan september 2014 og hevur sostatt virkað sum formaður í næstan hálvtfimta ár.

- Eg havi sæð hetta starvið sum eina uppgávu, ið eg skuldi røkja í eitt tíðaravmarkað skeið. Eg tók hesa uppgávuna á meg fyri meira enn fýra árum síðani, tá Reiðarafelagið ongan formansskap hevði og tørvur var á einari greiðari leiðslu í nevndini. Tí gjørdist eg formaður í felagnum tá, sigur Anfinn Olsen.

- Ætlanin var í veruleikanum ikki at sita so leingi, sum eg havi sitið í hesum sessi, og tíðin er nú komin at rigga av. Eg meti, at felagið er í góðum hondum og er ført fyri at røkja tær uppgávur, sum Reiðarafelagið eigur at røkja.

Hanus Hansen verður nú virkandi formaður, eftir at hann seinastu árini hevur verið næstformaður í nevndini.

placeholder
placeholder