Ango landað á Tvøroyri

Ango kom á Tvøroyri í gjár við 700 tonsum av makreli, sum skuldi landast til Varðin Pelagic.

Ango hevur verið á makrelveiðu í altjóða sjógvi norðanfyri Føroyar, har øll skipini royna í løtuni, og fiskiskapurin hevur verið hampiligur.

Tá ið Ango hevði landað, loysti skipið aftur, og í skrivandi løtu er Gøtunes ávegis á Tvøroyri at landa til Varðan Pelagic.