Borgarin hevur landað í Kollafirði

Uppsjóvarskipið Borgarin kom náttina til mikudagin á Kollafjørð, har teir skuldu landa.

Teir hava verið á sildaveiðu í føroyskum sjógvi, men lítið var at síggja hendan túrin.

Teir høvdu 500 tons av góðari sild við til lands, og ætlanin er at fara aftur á sildaveiðu í føroyskum sjógvi, tá ið liðugt er at landa.

Veiðan verður landað til Faroe Pelagic í Kollafirði.