Brimil sleipaði Fuglberg til Klaksvíkar

Sunnumorgunin varð Brimil boðsendur at sleipa partrolaran Fuglberg til Klaksvíkar.

Tað var um miðnáttarleitið leygarkvøldið, at skiparin á Fuglberg boðaði frá, at teir høvdu tekninskar trupulleikar sum gjørdu at teir ikki fingu siglt sjálvir, og tískil tørvaðu sleip til lands.

Fuglberg var á upsaveiðu, og var skipið tá statt 28 fjórðingar eystur úr Fugloynni. Sleipið tók uml. níggju og ein hálvan tíma, skrivar heimasíðan hjá Vørn.

Dagførd kl. 9.21