Brimil sleipaði garnaskip á Havnina

Fyrradagin varð vaktarskipið Brimil boðsent at sleipa eitt garnaskip á Havnina.

Skipið, sum varð statt 65 fjórðingar í ein útnyrðing úr Føroyum, hevði maskintrupulleikar, skrivar Vørn.

Sambært Kringvarpinum var talan um Thor. Tað tók Brimli 19 tímar at sleipa skipið á Havnina.

Thor er smíðað á Bolsønes, í Noregi í 1963. Skipið hoyrir heima í Hósvík.