Donsk skip landa makrel í Fuglafirði

Donsku uppsjóvarskipini Ruth og Isafold komu bæði inn í gjár. Skipini skulu landa makrel til Pelagos í Fuglafirði.

Ruth byrjaði at landa seinnapartin í gjár. Ruth hevur fiskað makrel í ES sjógvi, og hevur 2000 tons av makreli.

Isafols sleppur framat aftaná Ruth. Isafold hevur eisini fiskað makrel í ES sjógvi, og hevur Isafold umleið 1600 tons av makreli.

Bæði skipini fara aftur til fiskiskap tá ið tey hava landað. 

Isafold (Savnsmynd: Kiran Jóanesarson)