Fagraberg landar umleið 2600 tons í Fuglafirði

Uppsjóvarskipið Fagraberg byrjaði at landa til Havsbrún tíðliga í morgun.

Teir hava verið á svartkjaftaveiðu í ES sjógvi, og fiskiskapurin hevur verið hampiligur.

Upplýst verður, at teir hava umleið 2600 tons til Havsbrún, har svartkjafturin verður framleiddur til fóður.

Tá ið Fagraberg hevur landað, sleppur Arctic Voyager framat við síni svartkjaftalast.