Innanlands

Fara undir surimiframleiðslu seinni í ár

Nú gongd er komin á høvuðsframleiðsluna, verður farið í holt við aðra framleiðslu á Tvøroyri

Mynd: Sverri Egholm

Mynd: Sverri Egholm

2019-01-25 19:53 Author image
Sverri Egholm

Nú høvuðsframleiðslan á Varðanum Pelagic á Tvøroyri koyrir við fullari ferð, verður nú farið undir at gera klárt til aðra framleiðslu.

Tosað hevur verið um surimivirki í longri tíð, og tað steðgaði upp tá eldurin á sumri 2017 hevði við sær, at nærum alt virkið brendi í grund.

Men nú verður aftur arbeitt við hesum, og ætlanin er at hetta skal vera klárt til svartkjaftatíðina í heyst

Varðin Pelagic hevði seinnapartin móttøku, har rundsýning eisini var, nú virkið er alment tikið í nýtslu.

Íløgan at byggja nýggja virkið er 560 milliónir krónur, og samlaða grund víddin á øllum bygningunum hjá virkinum er nú 20.500 fermetrar.

Sí eisini: Myndir: Rundsýning á Varðanum Pelagic

Sí eisini: Myndir: Móttøka á Varðanum Pelagic