Finnur Fríði hevur landað í Noregi

Uppsjóvarskipið Finnur Fríði hevur landað 2.900 tons av svartkjafti í Måloy.

Finnur Fríði hevur verið á svartkjaftaveiðu í føroyskum sjógvi, og fiskiskapurin hevur verið góður.

Langa bíðitíðin í Fuglafirði ger, at fleiri skip eru farin uttanlands at landa veiðuna.

Finnur Fríði er farin aftur á svartkjaftaveiðu í føroyskum sjógvi.