Finnur Fríði og Gøtunes skulu landa svartkjaft í Fuglafirði

Uppsjóvarskipini Finnur Fríði og Gøtunes, hjá Varðanum í Gøtu, skulu landa svartkjaft til Havsbrún.

Skipini hava verið á svartkjaftaveiðu eystanfyri í føroyskum sjógvi, og fiskiskapurin hevur verið hampiligur.

Tað var tó smáligt at byrja við, men seinni kom gongd í, verður upplýst fyri Portalinum.

Hjá Havsbrún verður svartkjafturin framleiddur til mjøl og lýsi, og síðan til fóður.

Gøtunes (Savnsmynd: Kiran Jóanesarson)