Fiskiskapurin eftir makreli byrjar at taka seg upp

Vertíðin fyri makrelfiskiskapin er nú byrjað, og fyrsta lastin verður landað í skrivandi løtu.

Christian í Grótinum fór í dag á makrelveiðu í føroyskum sjógvi. 

Fyrst fer skipið at royna nýggju trollemmarnar, sum eru keyptir frá Vónini, og síðani verður farið á makrelveiðu í føroyskum sjógvi.

Høgaberg kom í dag á Fuglafjørð við umleið 300 tonsum av makreli, sum skipið hevur fiskað í altjóða og í føroyskum sjógvi.

Makrelurin verður landaður til Pelagos. 

Fiskiskapurin hevur verið hampuligur hendan túrin, og ætlanin er at fara aftur til fiskiskap tá ið liðugt er at landa. 

Høgaberg er komin inn at landa makrel (Savnsmynd: Pætur á Líknargøtu)