Fleiri makrelskip fara til Noregs at landa

Uppsjóvarskipið Gøtunes hevur júst landað 2.300 tons av makreli í Bodø, sum er fiskaður í altjóða sjógvi.

Gøtunes fór aftur til fiskiskap í gjár, og fleiri onnur skip eru eisini farin til Noregs at landa makrel.

Eitt nú skal Katrin Jóhanna landa 1.800 tons av makreli, og skal skipið landa í Karmoy. Katrin Jóhanna hevur fiskað makrel í altjóða sjógvi.

Arctic Voyager er eisini farin til Noregs at landa, og hava teir fiskað 1.900 tons hendan túrin í altjóða sjógvi.

Birita er eisini farin til Noregs at landa, men júst hvussu nógv teir hava vita vit ikki.