Fleiri uppsjóvarskip landa sild

Føroysku uppsjóvarskipini eru á sildaveiðu, og fiskiskapurin er hampiligur.

Jupiter kom í gjár á Fuglafjørð, við 730 tonsum av sild, sum skal landast til Pelagos. Tá øll veiðan hjá Jupiter er landað, sleppur Høgaberg framat.

Høgaberg hevur 1000 tons av sild, og fór í gjárkvøldið at sigla heim, skrivar jn.fo.

Á Tvøroyri verður sild eisini landað. Finnur Fríði kom í gjár á Tvøroyri, og landar 1000 tons av sild til Varðan Pelagic, veit jn.fo.