Gadus á veg heim av fyrsta túri

Miðskeiðis í oktober var stófingin móttøka í Klaksvík, tá nýggi Gadus kom. Beint undir tvær vikur seinni, 28. oktober, fór nýggi flakatrolarin hjá JFK til fiskiskap á fyrsta sinni.

Gadus hevur roynt í norskum sjógvi. Fiskiskapurin hevur verið so sum so: Nú er hann á veg heim við 430 tonsum, skrivar Norðlýsið. Gadus tekur meira enn tvífalt so nógv.

Sambært lokala Norðoyamiðlinum hevði skipið nakað av tekniskum trupulleikum á túrinum og lá tískil inni í Noreg eitt tíðarskeið. Nú er kósin sett móti Klaksvíkini eftir nærum tríggjar mánaðir burtur.