Myndir: Nærkast til Sjúrður Tollaksson verður sleipaður til Skagen

Skrokkurin av nýggja trolaranum hjá Varðanum, Sjúrður Tollaksson, er um at verða liðugur.

Skipið er 44,10 metrar langt og 11,5 metrar breitt, og kemur í føroyska flotan, har hesin trolarin og systurskipið, sum Framherji letur byggja á somu skipasmiðju, skulu avloysa Rók og Lerk.

Skrokkurin verður sleipaður til Skagen um hálvan oktober, har skipið verður gjørt liðugt.

Karstensens skipasmiðjan hevur tikið hesar myndirnar av skrokkinum í góðveðrinum í Pólandi.