Gamli Jupiter landar svartkjaft í Íslandi

Uppsjóvarskipið, Gamli Jupiter, hevur verið á svartkjaftaveiðu í føroyskum sjógvi, og setti í gjár kós móti Íslandi, har veiðan skal landast.

Gamli Jupiter hevur 2.200 tons, sum skulu landast til Loðnuvinnsluna í Fáskrúðsfirði, har skipið kom í nátt.

Fleiri skip hava biðið um landingartørn hjá Havsbrún í Fuglafirði, og tí varð avgerð tikin um at fara til Íslands at landa.