Innanlands

Glaðir fyri pakkarnar, hóast aðrir koma at pakka teir upp

- Takk fyri jólapakkarnar, hóast vit ikki vera umborð á jólum. Vit vera avloystir umleið hálvan desember og fara at halda jól heima, sigur Jacob Slyne, skipari á Hav Atlantic

Hávardur Enni, stýrimaður og Jacob Slyne, skipari (Mynd: Føroyska Sjómansmissiónin)

Hávardur Enni, stýrimaður og Jacob Slyne, skipari (Mynd: Føroyska Sjómansmissiónin)

2020-11-11 23:19 Author image
Føroyska Sjómansmissiónin
placeholder

- Takk fyri jólapakkarnar, hóast vit ikki vera umborð á jólum. Vit vera avloystir umleið hálvan desember og fara at halda jól heima. Tað gleða vit okkum til.

Tað segði skiparin á Hav Atlantic, Jacob Slyne, við sjómanstrúboðarin, sum síðsta leygarkvøld viðtjaði umborð, tá skipið lá og lossaði í Søldarfirði.

- Vit komu úr Norra við skervi og nevagróti, sum nú verður hivað upp í lastbilar og koyrt á goymsluna í Søldarfirði. Síðani fara vit til Týsklands og haðani upp til Husoya í Norra og síðan til Myre í Norðurnorra. So vita vit ikki enn hvat vit so skulu, sigur hann.

- At sigla við her, er eitt fantastiskt arbeiði. Reiðaríið er gott; so eg trívist sera væl.- sigur Jacob Slyne.

Teimum og sjófólkunum annars verður ynskt Guds signing og varðveitslu.

Nevnast kann, at sjómanstrúboðarin hevur borið jólapakkar umborð á 22 skip og pakkar til 11 skip í frálandavinnuni, eru bornir út til reiðaríini.

 

placeholder
placeholder