Gøtunes hevur landað á Tvøroyri

Uppsjóvarskipið Gøtunes kom mikudagin á Tvøroyri, har teir skuldu landa.

Gøtunes hevur verið á svartkjaftaveiðu sunnanfyri í føroyskum sjógvi, og høvdu teir umleið 1000 tons av svartkjafti við til lands, sum teir landaðu til Varðan Pelagic.

Fiskiskapurin hevur verið góður, og svartkjafturin varð heilfrystur á Tvøroyri.

Tá ið Gøtunes hevði landað fór skipið aftur á svartkjaftaveiðu sunnanfyri Føroyar.