Minningarhald teirra sjólátnu í dag

Aftur í ár skipar Føroyska sjómansmissiónin fyri “Minningarhaldi teirra sjólátnu” 1. november.

Minningarhald verður á Vinnuháskúlanum, Nóatún 2, í Havn, klokkan 14.

Beinir Johannesen, løgmaður talar og Heri Joensen, prestur hevur andakt. Aftaná leggur løgmaður krans við minnisvarðan í viðarlundini, og Heri Joensen hevur bøn og lýsir signingina.

Minningarhald eru eisini kring Føroyar í dag.