Innanlands

Hetlendskt reiðarí byggir nýtt skip í Skagen

Hetlendska felagið Altaire Fishing hevur skrivað undir ein sáttmála við skipasmiðjuna í Skagen

2020-12-12 06:37 Author image
Kiran Jóanesarson
placeholder

Felagið Altaire Fishing hevur undirskrivað sáttmála um ein knapt 80 metrar langan nótabát, sum skal avloysa núverandi Altaire, sum er bygdur í 2004, og tí er 16 ár.

Nýggja skipið verður knappar 80 metrar langt, og 16,6 metrar breitt.

Skrokkurin kemur eftir ætlan til Skagen í oktober næsta ár, og skipið skal latast eigarunum í mai 2023.

Núverandi Altaire er bygdur í Norra í 2004, og er teknaður av Skibsteknisk, sum er kent fyri seinastu tíðina at hava sniðgivið fleiri av teimum nýggju trolarunum, sum eru bygdir til Grønlands, og eisini nýggja Enniberg og Gadus, sum skulu latast føroysku eigarunum í 2022.

Sama fyritøka teknaði eisini núverandi Finnur Fríða, sum er systurskip til Altaire, sum nú verður skiftur út.

Finnur Fríði er tó eldri, og er júst blivin 17 ár. Skipið kom til Føroyar fyrstu ferð í desember 2003.

 

placeholder
placeholder