Heykur fekk um skrúvuna

Seinnapartin í gjár fekk trolarin Heykur brúk fyri hjálp, tá hann fekk um skrúvuna, meðan hann var til fiskiskap norðanfyri.

Tað var um 16-tíðina, at MRCC fekk fráboðanina, og var Brimil sendur at sleipa Heyk á Skálafjørðin.

Brimil sendi síðani froskmenn niður, og teir skóru alt av, og kundi Heykur fara aftur til fiskiskap tíðliga í morgun, skrivar Vørn.